Die Suzuki Griekwas en die Airlink Pumas pak mekaar Sondag in Kimberley in ’n deurslaggewende kragmeting, met die eerste plek op die spel soos die SA Beker sy halfeindronde nader.
Die sewende ronde skop vandag af wanneer Oostelike Provinsie vir Border in Gqeberha verwelkom, terwyl die Luiperds en Boland Kavaliers mekaar in Potchefstroom die stryd aansê.
Saterdag is daar verdere aksie wanneer die Eagles die Griffons in George takel, en die Cheetahs na Kempton Park reis om teen die Valke kragte te meet.
Griekwas is tans boaan die puntelys, maar die Eagles, Cheetahs en Kavaliers bly sterk aanspraakmakers soos die kompetisie sy beslissende fase betree. Intussen is daar ook groot trots op die spel in die Oos-Kaapse derby.
