Die wenners van vanjaar se Majuba Foto-kompetisie 2026 is bekend gemaak. Die kompetisie het weer ’n verskeidenheid treffende oomblikke vasgevang wat die geskiedenis, herdenkings en atmosfeer van Majubadag uitbeeld.
1ste plek gaan aan Irmhild Fourie vir haar besondere foto wat die gees van die geleentheid sterk vasvang. Sy ontvang R200 kontant en ’n naweek wegbreek by Kononia Bush Lodge.
2de plek gaan ook aan Irmhild Fourie. Vir hierdie foto ontvang sy R100 kontant en ’n geskenkmandjie met ’n tuisgebakte suurdeegbrood, ingelegte kwepers, vars botter, kruiesout en appelkooskonfyt.
3de plek gaan aan Mianette van Tonder. Sy ontvang R50 kontant en ’n uitstappie na die Lewende Laer, saam met ’n koppie koffie en ’n stuk melktert.
