PRETORIA – President Cyril Ramaphosa het Woensdag veranderinge aan sy uitvoerende gesag aangekondig, met verskeie nuwe ministers en adjunkministers wat aangestel is.
Willie Aucamp is as die nuwe minister van Landbou aangewys, terwyl David Maynier voortaan die portefeulje van Bosbou, Visserye en die Omgewing sal behartig.
Dina Pule is as minister van Maatskaplike Ontwikkeling aangestel. Sy volg Sisisi Tolashe op, wat in Mei uit die kabinet verwyder is.
Ramaphosa het ook ‘n aantal nuwe adjunkministers benoem.
Jack Bloom is die nuwe adjunkminister van Water en Sanitasie, Alexandra Abrahams neem die pos van adjunkminister van Elektrisiteit en Energie in, terwyl Yusuf Cassim as adjunkminister van Hoër Onderwys aangestel is.
John Steenhuisen is intussen as adjunkminister van Handel, Nywerheid en Mededinging aangewys.
Die Presidensie het gesê die aanstellings tree onmiddellik in werking.
