Die prys van groot bokke het in die week tot 11 September skerp teruggesak, terwyl voerlammers een van die sterkste stygings in die lewendehawepryse aangeteken het.
Groot bokke van meer as 40 kg se prys het met 38,59% tot R27,02/kg gedaal. Medium bokke van 30 kg tot 40 kg het met 12,88% tot R51,06/kg teruggesak, terwyl klein bokke onder 30 kg met 9,92% tot R61,30/kg gedaal het. Bokooie was betreklik stabiel op R48,66/kg, ’n daling van net 0,37%.
Voerlammers styg met meer as 4%
Die skaapmark het ’n gemengde week beleef. Voerlammers van gemiddeld 24 kg tot 32 kg het met 4,03% tot R56,99/kg gestyg.
Daarteenoor het die A2/3-prys met 0,68% gedaal, met die karkasprys op R106,90/kg. Die C2/3-prys het met 5,09% teruggesak tot R82,61/kg.
Voerlammers was die duurste in die Vrystaat teen R59,19/kg. In Mpumalanga was die prys R56,39/kg, die Oos-Kaap R56,23/kg, die Noord-Kaap R55,34/kg en die Wes-Kaap R52,44/kg.
Speenkalfprys daal effens
Speenkalwers van gemiddeld 200 kg tot 249 kg het met 1,20% tot R46,92/kg gedaal.
Noordwes het die hoogste aangeduide streekprys vir speenkalwers van 200 kg tot 250 kg gehad, naamlik R49,20/kg. Die Oos-Kaap was op R46,05/kg, KwaZulu-Natal op R45,97/kg, Mpumalanga op R44,87/kg, die Vrystaat op R44,69/kg en die Wes-Kaap op R43,87/kg.
Die A2/3-beeskarkasprys het feitlik onveranderd gebly en met 0,04% tot R66,66/kg gestyg. Die C2/3-prys het met 1,87% tot R57,12/kg gedaal.
Hoenderpryse beweeg op
Al drie die aangeduide pluimveekategorieë het gedurende die week gestyg. Vars hoender het met 1,06% tot R34,43/kg gestyg, bevrore hoender met 0,58% tot R31,44/kg en individueel vinnig bevrore hoender met 1,18% tot R30,88/kg.
Die varkmark het kleiner bewegings getoon. Die baconer-prys het met 0,38% tot R29,20/kg gestyg, die porker-prys het met 0,37% tot R29,87/kg gedaal en die sausage-prys het met 1,82% tot R23,55/kg gestyg.
Geelmielieprys daal
Aan die voerkant het die geelmielieprys met 1,10% tot R3 974 gedaal. Sojameel het met 0,93% tot R11 371 gestyg, terwyl chop onveranderd op R3 350 gebly het.
