Die Verenigde Nasies sê daar is tans geen bewyse dat Iran ’n aktiewe program het om kernwapens te bou nie.
Die verklaring kom te midde van aanhoudende aanvalle deur die Verenigde State en Israel op Iran sedert Saterdag. Die twee lande beskuldig Teheran daarvan dat hy besig is om gevaarlike kernwapens te ontwikkel wat volgens hulle ’n bedreiging vir die wêreldgemeenskap inhou.
Intussen berig NBC News dat die Internasionale Atoomenergie-agentskap (IAEA), wat Iran se kernaktiwiteite monitor, aangedui het dat geen elemente van ’n sistematiese en gestruktureerde program geïdentifiseer is om kernwapens in Iran te vervaardig nie.
