PRETORIA – Suid-Afrika se vleismark toon gemengde neigings, met speenkalfpryse wat skerp gestyg het en na verwagting tot Augustus hoog sal bly, terwyl die skaap- en stoorlammark moontlik binnekort onder druk kan kom.
Volgens die jongste markvooruitsigte kan speenkalfpryse teen Oktober nóg ‘n hupstoot kry.
Die skaap- en stoorlammark het intussen ‘n seisoenale draaipunt bereik. Hoewel pryse tans nog sterk vertoon, word verwag dat dit in die nabye toekoms onder druk kan kom.
Bokpryse bly egter stewig en toon steeds goeie markondersteuning.
Hoenderpryse het weer begin styg en sal na verwagting bestendig bly, wat ondersteuning aan die vleismark behoort te bied.
Die varkmark bly intussen swak in afwagting op ‘n moontlike ligpunt in September.
